فریضہ جہاد

فریضہ جہاد

دین پر روک ہے اور پوری سیہ کاری ہے

یہ جو کہتے ہیں کہ فوجوں کی جو تیاری ہے“

دین اسلام میں ہر فرد پہ ہے فرضِ جہاد

جو کرے عذر، منافق ہے بڑا ناری ہے

زندہ ملکوں کا بھی شیوہ ہے یہی جنگ کے وقت

بات قرآں کی کہو اِن کو تو بیزاری ہے

حکم کا رنگ ہے اک، صوم ہو وہ، یا ہو قِتال

”لکھ“دیا ماتھے پہ مومن کے، یہ اجباری ہے

کیا بچائیں گے کرائے کے سپاہی دیں کو

ہاں مگر اپنے بچاﺅ کی یہ عیاری ہے

عام ہے حکم خذُوا حذر مسلماں کے لئے

جو سپاہی نہ بنے قوم وہ ناکاری ہے

حکم قوموں کی فنا کا بھی یہی قرآں میں

مومن اکثر نہ رہیں جب، تو فنا طاری ہے

خیز! صیدِ کہنِ دام نوِ دجل و فریب

تیری قسمت پہ اَڑا وقت نیا جاری ہے

پھاڑ دے زور سے سب مکرو دغل کے پردے

حکمِ قرآں کے سوا کہہ دے تو انکاری ہے

دیکھ یہ وقت ہے دُنیا میں اُبھر آنے کا

یہ گنوایا تو ہمیشہ کے لئے زاری ہے

دیکھ اس قہر میں اک پہلوئے انعام بھی ہے

آج اگر زور سے لے لے، تری ہشیاری ہے

بامن آکندہ بہ بیں حرفِ سر عرشِ بریں

”جز بہ قرآں نتواں شد مدَدﹺِ اھلِ زمیں

﴿علامہ مشرقی ۸ مارچ  ۱۹۵۱﴾